تامکردنی خواردن لەکاتی ڕۆژوودا.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: بۆ ئەو کەسانەی کە پێویستیان پێیەتی نەک کەسێک کە پێویستی پێی نییە، یانی بۆ نموونە پیاو لە ماڵە ئەگەر ئیشی تۆ چێشت لێنان نییە مەعنای چیە كە تۆ دەچی سەری مەنجەڵ هەڵ دەدەیەتەوە تامی چێشتەکە دەکەیت، برنجەکە دەکەیت شلەکە دەکەیت بۆ ئەو کەسانەی کە ئیشیان نییە، باش نیە ئەم کارە بکەن وە شەرعیش نییە بیکەن بەڵام بۆ ئەو کەسانەی کە ئیشیانە وەکوو خانمەکانی ماڵ وەکوو ئەو چێشت لێنەرەی لە چێشتخانەکانە مەسەلەن ئێواران بۆ ئیفتار خواردن دروست دەکەن ئاساییە بە سەری زمان تامی چێشتەکانیان بکەن، بەڵام ئاگایان لێ بێت هیچی لێ قووت نەدەن تەنها ئەوەی کە تامەکە لە دەمیاندا بتوێتەوە نەچێتە قوڕگ، چونکە بچێتە قوڕگ ڕۆژوەکە بەتاڵ دەکاتەوە بە سەری زمان تامی چێشتەکان بکەن کێشەی نییە وە تەئسیر لە ڕۆژوەکانیان ناکات. خوای گەورەش زاناتره