پاکبوونەوە لەسووڕی مانگانە پێش بانگی بەیانی لەمانگی ڕەمەزاندا.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئێمە دەڵێین بەڕێزان ئەگەر هاتوو پێش بانگی بەیانی لە سووڕی مانگانەكەی پاک بۆتەوە واتە پێنج دەقە پێش بانگی بەیانی ئیتر هیچ زەرداوی نەماوە، وە خوێنی نەماوە، وە پاک بۆتەوە ئەم خوشکە بەڕێزە ئەگەرچی خۆیشی نەشۆردووە، ئێستا وە فریای خۆشۆردن ناکەوێت، نیەتی ڕۆژوو دەهێنێت، بە ڕۆژوو دەبێت کە بانگی دا دوای بانگی بەیانی خۆی دەشوا و ڕۆژووەکەی صەحیحە، وە یەک موشکیلەی نییە، بەڵام ئەگەر دوای بانگی بەیانی لە سوڕی مانگانەکەی پاک بێتەوە،ئەو کاتە ناتوانێت بە ڕۆژوو بێت ئەگەر بانگی دا دوای دوو دەقە دوای یەک دەقە لە دوای بانگەکە پاک بۆوە، وە لە سوڕی مانگانەکەی هەر ناتوانێت بە ڕۆژوو بێت دەبێت پێش بانگی بەیانی پاک بووبێتەوە باشە خۆشۆردنەکە ئاساییە بشکەوێتە دوای بانگی بەیانی، بەڵام پاکبوونەوەکە پێش بانگی بەیانی بووبێت پێش بانگی بەیانی پاک بۆوە نیەتی ڕۆژوەكەی هێنا و بە ڕۆژ دەبێت دوای بانگی بەیانی پاک بۆوە ئەو ڕۆژە بە ڕۆژوو نابێت قەزای ئەو ڕۆژە دەکاتەوە. خوای گەورەش زاناتره