دواخستنی سووڕی مانگانە لەڕێی دەرمانەوە بۆ تەواوکردنی پەرستشەکان.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: دەڵێین بەڕێزان ئێمە ئەم جۆرە عیلاجانە ئەم جۆرە حەپ و دەرمانانە ئەم جۆرە چارەسەرە پزیشکیانە جاری وا هەیە ئەو خوشکە بەڕێزانەی کە دەچن بۆ حەج یان دەچن بۆ عومرە بە کاری دێنن، بۆ ئەوەی بتوانن عیبادەتەکانیان لە کاتی حەج و عەمرەکانیاندا بە دروستی بکەن، تووشی سوڕی مانگانە نەبن وە هەندێك خوشکی بەڕێز بۆ مانگی ڕەمەزانیش بە کاری دێنێت عیلاج بەکار دێنێت بۆ ئەوەی لەم مانگەدا نەکەوێتە سەر خوێن وە سوڕی مانگانەی دوا بکەوێت بتوانێت عیبادەتەکانی بە دروستی بکات ئێمە دەڵێین هیچ گرفتی نییە، ئەمە بەڕێزان، بەڵام بە مەرجێک لە ڕووی تەندروستییەوە زیانی نەبێت یانی ئەمە دەبێت بەڕاوێژکاری پزیشکێکی پسپۆڕ ئەم خوشکە بەڕێزانە ئەم عیلاجانە بەکاربێنن ئەگەر پزیشکەکان پێیان گوتن ئەم عیلاجانە زەرەری نییە بۆ بەکارهێنانی زۆر زۆر ئاساییە بەکاری بێنن وە إن شاء الله ڕۆژوو و عیبادەتەکانیشیان صەحیحە وە کێشەی نییە. خوای گەورەش زاناتره