ڕۆژووی خەڵکانی بەخشراو و خەڵەفاو.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئێمە دەڵێین بەڕێزان کەسێک كە هەر عاقڵ نەبێت بۆ خۆی شێت بێت یان بۆ نموونە چۆتە ساڵەوە و تەمەنێکی کردووە و تووشی حاڵەتی خەڵەفان بووە و ئاگای لە عیبادەت و نوێژ و ڕۆژوو نەماوە یان دەڵێین کەسێک بۆ نموونە تووشی کێشەیەک بووە بەھۆی کێشەکەوە عەقڵی لە دەست دا ئەمانە ڕۆژوویان لەسەر نییە، وە فیدیەشیان بۆ نادرێت ئەگەر هاتوو شێتییەكە بەردەوام بوو ئەوە ئەمانە گوناهبار نابن و هیچیان لەسەر نییە، ئەگەر کاتی بوو کە چاک بوونەوە ڕۆژووەکان دەگرنەوە، فکرەکە ئەوەندەیە، بەڵام ئەگەر بەردەوام بێت نەخێر ڕۆژوویان لەسەر نییە وە فیدیەشیان بۆ نادرێت.