نییەتهێنانی یەک جار بۆ سەرجەم مانگی ڕەمەزان.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: نا بەڕێزان ئەمە بابەتێکی خیلافییە ڕاستە هەندێ عولەما بە دروستی دەزانن بەڵام لایەنی ئیحتیاد ئەوەیە کە ئینسان هەموو شەوێک نییەتی ڕۆژووەکەی بۆ بەیانی تازە بکاتەوە، وە ئەمە ڕەئی زۆرینەی زانایانە لە حەنەفییەکان و شافیعیەکان و حەنابیلەکانیش کە ئەم عیبادەتە هەموو ڕۆژێکی عیبادەتێکی سەربەخۆیە واتا تۆ چۆن بۆ نموونە ئەگەر بتەوێ نوێژ جەمع بکەی نوێژی مەغریب بۆ عیشا، نوێژی مەغریب عیبادەتێکی سەربەخۆیە نییەتی دەوێ نوێژی عیشاش نییەتی دەوێ عیبادەتێکی سەربەخۆیە، دەفەرموون ڕۆژووی هەموو ڕۆژێکی ڕەمەزان عیبادەتێکی سەربەخۆیە، هەموو شەوێک دەبێ ئینسانەکە نییەتی تازە کاتەوە، کە بۆ بەیانی بە ڕۆژوو دەبێ (30) ڕۆژە عیبادەتەکە لە (30)کاتی جیاوازا دەکرێ بەس ئەگەر کابرا بەس شەوی یەکەم نییەت بێنێ زۆرێک لە عولەما پێیان شەرعی نییە و تەنها مالیکیەکان ڕێگەیان بەمە داوە لەبەر ئەوە ئەسڵ وایە ئێمە بۆ هەموو شەوێکی مانگی ڕەمەزان نییەت تازە بکەینەوە. خوای گەورەش زاناتره