کات و شێوازی نییەت بۆ ڕۆژووی مانگی ڕەمەزان.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: بەڕێزان لە کاتی کە ڕۆژی ڕەمەزاندا نییەتی ڕەمەزان ئەوەیە ئێمە ڕۆژووی فەرز لەگەڵ ڕۆژووی واجب ئەو ڕۆژوانەی کە کەفارەتن، کە نەزرن، کە قەزائن، کە ئەمانە هی واجب بن، ئەمانە بەڕێزان ئینسان دەبێ شەو نییەتی هەبێ واتە پێش بانگ بانگی بەیانی کەسەکە نییەتی هەبێ بە ڕۆژوو بێ ئەگەر هات و کەسەکە نییەتی ڕۆژووی نەبوو دوای بانگی بەیانی نیەتی هێنا ئەوڕۆژوە حسێب نیە، پێغەمبەری خوا دەفەرموێت: ‎ﷺ (لا صيام لمن لم يبيت الصيام من الليل) ئەمە باسی ڕۆژووی فەڕز دەکا دەفەرموێت کەسێک "ڕۆژووەکەی دروست نییە ئەگەر شەو نییەتی گرتنی ڕۆژووی نەبووبێ" کەدەڵێین نیەتی گرتنی ڕۆژوو بەڕێزان پارشێوکردن نییە، مەرج نییە نییەت بە دەم بگوترێت، نییەت لە دڵدایە گرنگ ئەوەیە ئێمە ئەگەر پێمان بڵێن کاکە ئەرێ بەیانی بە ڕۆژوو دەبی؟ دەڵێ ئەی چۆن بە ڕۆژوو نابم ئەم نییەتە واتە تۆ عەزم وجەزمت هەیە لەسەر ئەوەی بەیانی بە ڕۆژوو بی مەرج نییە بە دەم بگوترێت بەڵام لە دڵدا ئەم نیەتە هەبێ ئەگەر کەسەکە لە دڵدا نیەتی نەبووبێ بەڕۆژوو بێ دوای بانگی بەیانی ناتوانێ ڕۆژووی فەڕز و سوننەت لێرەدا جیاوازن، لە ڕۆژی سوننەتدا ئاسایی ئینسان دوای بانگی بەیانیش هەتا نوێژی چێشتەنگاویش ئاساییە، ئەگەر هیچی نەخواردبێ ئەو ڕۆژە بڵێ ئەمڕۆ بە ڕۆژوو دەبم بەڵام لە ڕۆژووی فەرزدا ئیلا دەبێ نییەتەکە لە شەودا هەبووبێ ئەگەر لە شەودا نەبووبێ ڕۆژووەکە نییەت هێنان لە دوای بانگی بەیانی دروست نییە. یانی بۆ نموونە ئێمە شەو کەسێ خەوتووە کە کەسێك خەوتووە پێمان گوتووە گوتومانە بەیانی ڕەمەزان نییە، بەڵام شەو دوانزەی شەو ئیعلان کرا کە بەیانی ڕەمەزانە کەسە نیەتی نەهێناوە بەیانی بە ڕۆژوو بێ بەیانی دوای نوێژی بەیانی کە خەبەری دەبێتەوە ناتوانێ تازە ئەو ڕۆژە بە ڕۆژوو بێت، ئەو ڕۆژەی دەبێت قەزا بکاتەوە چونکە شەو کە خەوتووە بە بەرنامەی ئەو بە قەناعەتی ئەو بەیانی ڕەمەزان نییە، وەنیەتی ڕۆژووی نەبووە، لە بەرەوە ناتوانێ ئاگامان لە مەسەلەی نییەت بێ خوای گەورەش زاناتره