ئەو شتانەی باش نین و پاداشتی ڕۆژوو کەم دەکەنەوە.

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئەو شتانەی کە باش نین لەکاتی ڕۆژوودا بکرێت یەکێک لەوانە ئەوەیە ئینسان وەکو عەرزم کردن ئەگەر هات و قسەی زۆر کردن قسەی هەلەق و مەلەق کردن فشقیات و گاڵتە پێکردن و غەیبەتکردن و ئەمانە بە تەئکید کارێکی باش نین، لە کاتی ڕۆژووا وە بە تەئکید کردەوەی ڕۆژۆکانمان کەم دەکەنەوە و پاداشتەکانیان دەبەن یەکێکە لەوانە بەڕێزان ئینسان ئەگەر هات و خێزاندار بوو دەستبازی کردن لەگەڵ خێزاندا لە ڕۆژووی ڕەمەزانان کارێکی باش نییە، بە تایبەتی بۆ ئەو کەسانەی کە ئەزانن لەوانەیە کۆنترۆڵی خۆیان لە دەست بدەن وە ڕۆژووەکەیان بەتاڵ بێتەوە، ئەمە کارێکی خراپە، لەبەر ئەوەی ئێمە ڕاستە گوتومانە پێغەمبەری خوا (‎ﷺ) لەفەرموودەدا هەیە بەوەی کە هەندێک جار خێزانەکانی ماچ کردووە، بە ڕۆژوو بووە، بەڵام ئاگاتان لەوە بێ خاتو عائیشەکە حەدیثەکە دەگێڕێتەوە فەرمووی پێغەمبەری خوا ‎ﷺ( كَانَ أَمْلَكَكُمْ لِإِرْبِهِ) لە هەمووتان زیاتر کۆنترۆڵی نەفسی خۆی پێ دەکرا، ئەمە ئاماژەیە بەوەی کە ئەگەر ئینسان زانی کۆنتڕۆڵی نەفسی خۆی پێ ناکرێت، ئەم بابەتانە نزیک کەوتنەوە لە خێزانی لە مانگی ڕەمەزاندا بە تایبەتی لە ڕۆژدا کارێکی باش نییە، وە کارێکی ڕێگە پێدراو نییە. یەکێکە لەو کارانەی کە باش نییە و کە هەندێک جار لەم مانگەدا لەوانەی ئینسان خۆی پێوەگرتی بێ و بیکا زۆر ئاو لە دەم و لووتادان یانی ئینسان لە کاتی دەستنوێژدا پێغەمبەری خوا ‎ﷺ فەرمویەتی ( بالِغْ في الاستِنشاقِ إلَّا أن تَكونَ صائمًا) فەرموویەتی کە ئاو لە دەم و لووت ڕادەدەی ئاوی لووت فەرمویەتی هەڵی بمژەوە بەڵام فەرموویەتی لە کاتی ڕۆژوودا مەیکە موبالەغەی تێدا مەکە، چونکە ب؟ۆ ئیحتیمالە قەترەیەک لەو ئاوەی کە هەڵیدەدەی بە دەم و لووتدا بچێتە ناو قوڕگ، وە ڕۆژەکە بەتاڵ دەکاتەوە کەواتە ئەمانە هەندێک کارن باش نین لە کاتی ڕۆژووە بکرێن. خوای گەورەش زاناترە