پێشخستنی وه‌رگرتنه‌وه‌ی قه‌رز له‌بری داشكاندنی بڕه‌كه‌

بەناوی خوای بەخشندە و میهرەبانەوە سوپاس و ستایش بۆ پەروەردگاری جیهانیان، وە درود و ڕەحمەت بۆ سەر گیانی پاكی پێغەمبەر ﷺ و گشت كەس و یاران و شوێنكەوتوانی بەگشتی. وەڵام: سەبارەت بە پرسیارەكەی بەڕێزتان: ئەمە بابەتێکە بەڕێزان لە فیقهی ئیسلامیدا باس کراوە ئێمە مامەڵەیەکمان هەبووە لەگەڵ کەسێکدا ئەم کەسە قەرزی کەوتۆتەلا، وە ئێستا ئێمە پێویستمان بەوە هەیە پارەکەمان وەربگرینەوە، یانی بۆ نموونە ئێمە چ شتمان پێ فرۆشتبێ ،چ دەست قەرزمان داوەتێ ،گرنگ ئەوەیە کەسێک هەیە قەرزی ئێمەی لایە ئەم کەسەی کە قەرزی ئێمەی لایە ئێمە ئێستا پێویستمان بەوە هەیە بەر لە هاتنی ماوەکەی قەرزەکە وەربگرینەوە، ئایا شەرعن دروستە ئێمە بچین ئەو ئۆفەرەی بدەینێ کە بڵێین ئێمە پارەکەت بۆ کەمدەکەینەوە ،بەڵام پارەکەمان بدەرەوە، گریمان با بڵێین پارەکە دە هەزار دۆلارە، دەفتەرێک دۆلارە، ئێمەن دەڵێین کاکە ئێستا پارەکەمان بدەرەوە بیست وەرەقە بۆ خۆت، گەردنت ئازاد بێت، لەم حاڵەتەدا بەڕێزان زانایان بۆچوونیان وایە کە ئەمە هیچ ئیشکالێکی شەرعی نییە، وە ئەمە پێچەوانەی فەلسەفەی حەرامکردنی ڕیبایە، لە ڕیبادا کەسی قەرزار کە نیەتی پارەکە بداتەوە، تۆ غەرامەی ئەکەی، زیادی ئەکەیتە سەر، لێرەدا عەکسە کەسی قەرزار ئامادەیە پارەکە لە کاتی خۆیدا بداتەوە، بەس لەبەر ئەوەی ئێمە زۆر پێویستمان بە قەرزەکەیە، ئێمە نەک قورسایی بۆ ئەکەین بەکار ئاسانی، بەوەی ئامادەین بەشێک لە پارەکە خۆش بین لە بەرامبەر ئەوەی ئەو پارەکەمان بداتەوە، ئەم لە فیقهی ئیسلامیدا پێی دەگوترێ بابەتی:(زع وتعجل) واتا پارەکەمان بۆ بێنەرەوە پێش وەخت ٫وە شتێک لە پارەکە خۆش ئەبین٫ ئێمە لە موقابیلە ئەمە لە شەرعدا هیچ گرفتی دی و پێغەمبەری خوا ﷺ کاتی خۆی کە مامەڵەی هەبووە لەگەڵ جولەکەکاندا پێغەمبەری خوا ﷺ ئەم مامەڵەیەی کردووە خوای گەورەش زاناترە