شاندێکی باڵای ژیار سەردانی مەکتەبی سیاسی یەکگرتوویان کرد

لە چەند ڕۆژی ڕابردوودا، شاندێکی باڵای ژیار کە پێکهاتبوون لە بەڕێزان (د. خالید محمد صاڵح) سەرۆکی ژیار و (د. کامیل شارباژێڕی و م. ئارامی خەبات و م. گوڵاڵە ڕەزا) ئەندامانی ئەنجوومەنی کارگێڕی، سەردانی مەکتەبی سیاسیی یەکگرتووی ئیسلامی کوردستانیان کرد و لەلایەن بەڕێزان (م. سەڵاحەدین محمد بەهادین) ئەمینداری گشتی یەکگرتووی ئیسلامی و (د. محمد ئەحمەد و م. مستەفا عەبدوڵا) ئەندامانی مەکتەبی سیاسی، پێشوازییان لێکرا. لە دیدارەکەدا، شاندی باڵای ژیار تیشكیان خستەسەر كار و چالاكییەکانی ڕێکخراوەکە کە لە بواری پەروەردە و گەشەپێداندا پێشكەش بە هاوڵاتیانی كوردستانی دەکەن. لە بەرامبەردا، ئەمینداری گشتی یەكگرتووی ئیسلامیی كوردستان دەستخۆشی لە شاندی باڵای ژیار و سەرجەم ئەندامانی ڕێكخراوەکە کرد بۆ ئەو خزمەت و كار و چالاكیانەی لە ماوەی ڕابردوودا پێشكەش بە سەرجەم چین و توێژەكانی كۆمەڵگەی كوردیان كردووە.